Сайтимизнинг КОНФЕРЕНЦИЯ бўлими ишлаб турибди ва мухлислар ўзларини қизиқтирган саволларни журналистлар ва мутахассисларга бериб, жавобларни олишмоқда. Мухлисларда катта қизиқишга сабаб бўлаётган конференция эгаларидан бири Алишер Никимбаев ҳисобланади. Маълумки, Алишер ака Англия футболига, хусусан, "Манчестер Юнайтед" клубига ихлосманд ҳисобланади. Қуйидаги бир мухлисиизнинг "Арсенал" ва "Ливерпуль" борасидаги саволига Никимбаевнинг жавоби қуйидагича бўлган.


САВОЛ: "Ливерпуль" ва "Арсенал" клублари аввалгилари шонли мавқеларини тиклаш учун нима қилиш керак: янги раҳбарият, мураббий, капитал, таркиб? Бу жамоаларнинг ўринини эгаллаган "Манчестер Сити" ва "Тоттенхэм" клублари халқаро миқёсда ўзларини кўрсата олишмаяпти.

ЖАВОБ: "Ливерпуль"га таркиб етишмаяпти. Трансфер борасидаги хатолар, шунингдек, сўнгги йиллардаги ички муаммолар шунга олиб келдики, клуб АПЛда рақобатбардошликни йўқотди. Иски муаммоларни ҳал қилгандек бўлишди (жамоанинг ўтиш босқичида қутқарувчи сифатида бош мураббий этиб тайинланганини назарда тутяпман), аммо таркиб ҳалиям рақобатбардош эмас.

"Арсенал" эмас, менимча, ўзининг устувор сиёсати бўлган маблағни иқтисод қилиш мақсадини ўзгартирмас экан, "канонирлар" бирор жиддий мақсадга эриша олмайдилар. Маблағнинг кетидан қувиб, улар ўзларининг юлдузларидан ажралишмоқда. Натижада фақат Чемпионлар лигасида иштирок этишни орзу қилишмоқда.

"Манчестер Сити" ва "шпорлар" ҳақида эса қуйидагини айтаман: уларга халқаро ўйинларда тажриба етишмаяпти. Мана, "Тоттенхэм" тажриба тўплади ва "Интер"ни йирик ҳисобда мағлуб этди.

Stadion.uz конференция орқали савол йўллаш учун қуйидаги саҳифага ўтишингиз мумкин.