Франция футбол федерацияси президенти Филипп Диалло Франция – Чили ўртоқлик ўйини олдидан Москва яқинидаги Красногорскдаги “Крокус Сити Холл” концерт залида содир этилган теракт қурбонлари хотирасига бир дақиқалик сукут сақлашини маълум қилди.
"Бундай воқеалар содир бўлганда, биз Россия халқи билан бирдамлигимизни кўрсатишимиз керак", - дея Диалло сўзларини келтиради Europe1.fr.
22 март, жума куни Москва яқинидаги Красногорскдаги "Кроcус Cити Холл" биносида теракт содир этилди. Россия Тергов қўмитасининг сўнгги маълумотларига кўра, ҳалок бўлганлар сони 139 кишини ташкил этади.