Туриннинг "Ювентус" клуби ёзги трансфер ойнасида жамоанинг ярим ҳимоя чизиғини кучайтиришни режалаштирган.

Бу ҳақда Tuttojuve ёзмоқда. Манбага кўра, клуб раҳбарияти "Аталанта" ярим ҳимоячилари Тен Копмейнерс, Эдерсон ва Марио Пашалични сотиб олиш ҳақида ўйламоқда.

Туринликлар вакиллари уларни 10 март куни Бергамо клуби билан ўйинда кузатиб боришди. Шу тариқа, хорватиялик Пашаличнинг атрофидагилар билан бир неча бор суҳбатлар ўтказилди, бироқ таклифлар билдирилмади.

Марионинг амалдаги шартномаси 2025 йилнинг ёзига қадар мўлжалланган ва унинг нархи 10 дан 15 миллион еврогача.