Миланнинг "Интер" клуби ёзги трансфер ойнасида ҳужумни кучайтириш ниятида. "Нерадзуррилар" раҳбарияти иккита вариантдан бирини танлаши керак. Улар "Женоа"дан Альберт Гудмундссон ва "Наполи"дан Жакомо Распадоридир.
Айнан мана шу икки ҳужумчи клуб томонидан кейинги мавсум учун асосий трансфер мақсадлари сифатида белгиланган, деб хабар беради Corriere dello Sport. Милан гранди иккита футболчидан фақат биттасини танлаши керак бўлади.
Transfermarkt портали 26 ёшли Альберт Гудмундссонни 22 миллион еврога баҳолаган. У жорий А Серияда 27 учрашувда 10 та гол ва 3 та голли узатмага муаллифлик қилган. Жакомо Распадорининг нархи эса 28 млн еврони ташкил қилади. 24 ёшли италиялик чемпионат доирасидаги 29 учрашувда 4 та гол урди ва 3 та голли узатмани амалга оширди.
