Каталониянинг “Барселона” клуби ҳужумчи Ансу Фати билан хайрлашишга қарор қилди. Ҳозирда "кўк-анорранглилар" тарбияланувчиси Англия Премьер-лигасида "Брайтон"да ижара асосида ўйнамоқда.

Ижтимоий тармоқларда инсайдер Экрем Конур хабар беришича, Каталония гранди раҳбарияти Ансуни сотишдан 60 миллион евро ишлаб олишни истамоқда.

Жорий мавсумда ҳужумчи 23та ўйинда иштирок этган. У тўртта гол урди ва битта голли узатмани амалга оширди. 21 ёшли испанияликнинг "чайқалар" билан шартномаси июнь ойи охирида тугайди. Transfermarkt портали унинг нархини 30 миллион еврога баҳоламоқда.