Португалия терма жамоаси бош мураббийи Роберто Мартинес ўртоқлик учрашувида Словениядан учралган мағлубиятдан (0:2) кейин ОАВга ўз фикрларини билдириб ўтди.
"Рақиб яхши ўйин кўрсатди. Биз таркиб билан тажриба ўтказдик ва ўз олдимизга ғалаба қозонишни мақсад қилганимиз йўқ. Бу ўйиндан кейин жамоа Европа чемпионатига янада яхши тайёргарлик кўрди. Ўйлайманки, йиғин яхши ўтди. Биз мағлуб бўлишни ёқтирмаймиз, аммо бу ўйинлардан мақсад маълумот олиш эди", - деди Мартинес Goal.com билан суҳбатда.
Эслатиб ўтамиз, ёзда Португалия терма жамоаси 2024 йилги Европа чемпионатида иштирок этади.
