Польша терма жамоаси дарвозабони Войцех Шесни, агар терма жамоаси 2024 йилги Европа чемпионатига йўлланмани қўлга киритмаганида, халқаро фаолиятини якунлаган бўларди. Бу ҳақда beIN Sports хабар бермоқда.
Кеча, 26 март куни Польша терма жамоаси Европа чемпионатида ўйнаш ҳуқуқи учун якуний плей-офф ўйинида Уэльсни пенальтилар сериясида мағлуб этди. Асосий вақтда жамоалар дуранг ўйнашди - 0:0.
Учрашув сўнгида "Ювентус" дарвозабони Уэльс билан ўйин унинг охиргиси бўлиши мумкинми, деган саволга дарвозабон: "Ҳа, шундай бўларди" - деб жавоб берди.
Шесни терма жамоа сафида 81 та ўйин ўтказган. Аввалги учта Европа чемпионатида қатнашган.
