"Бавария" "Милан" ҳужумчиси Франческо Камардага даъвогарлар рўйхатига қўшилди.
Яқинда ўзининг 16 ёшини нишонлаган футболчи ҳали "россонерилар" билан профессионал шартнома имзолагани йўқ - томонлар келишувнинг баъзи тафсилотлари бўйича келиша олмаяпти. Вазиятни диққат билан кузатиб бораётган бошқа клублар бундан унумли фойдаланишлари мумкин. Журналист Кристиан Фальк хабарига кўра, "Бавария" Камарда билан шартнома имзоламоқчи. Мюнхен клубида ёш италияликнинг номзоди аллақачон муҳокама қилинган.
Ноябрь ойида Франческо Камарда 15 ёшу 260 кунлигида "Фиорентина"га қарши ўйнаб, А Серия тарихидаги энг ёш дебютантга айланди.
