"Фулхэм"нинг уй аренаси - Ғарбий Лондондаги "Крейвен Коттеж" стадионида махсус ВИП стенд қуришмоқчи - очиқ сузиш ҳавзасидан клубнинг ўйинларини томоша қилиш мумкин.
Evening Standart хабарига кўра, стенд аллақачон ишлаб чиқилган – қолгани ғояни ҳаётга татбиқ этиш.
Шунингдек, янги трибуна мажмуасида нафақат бассейн, балки премиум ресторан ҳам бўлади. Эслатиб ўтамиз, "Фулхэм"нинг уй аренаси бутун Англиядаги тарихий жиҳатдан энг қимматли ареналардан бири ҳисобланади.
У деярли 130 йил олдин - 1896 йилда қурилган бўлиб, ҳозирда 25 мингдан ортиқ одамни ўз ичига олади.
