Марказий ҳимоячи Франческо Ачерби ва "Интер" ўртасидаги муносабатлар яхши эмас.
Эслатиб ўтамиз, 36 ёшли футболчини ирқчиликда айблашди, аммо буни тасдиқлаб бўлмади. Бироқ Tuttosport хабарига кўра, Ачерби ва "Интер" ўртасидаги муносабатлар ёмонлашган ва футболчининг яқин орада клубни тарк этиши эҳтимоли анча юқори баҳоланмоқда. "Нерадзуррилар" раҳбарияти аллақачон уни алмаштириш имкониятларини ўрганиб чиқмоқда: Милан гранди "Удинезе"дан Яка Бийол ва "Торино"дан Пьерр Схюрсга кўз тикишмоқда.
Франческо Ачерби "Интер"даги иккинчи мавсумини ўтказмоқда. У Симоне Индзаги жамоасида 81 та ўйин ўтказиб, 3 та гол ва 3 та голли узатмага муаллифлик қилган.
