"Бавария"нинг собиқ футболчиси Лотар Маттеус жамоанинг янги бош мураббийи лавозимига кимни энг яхши номзод деб билишини айтди.
“Мен учун фаворит Юлиан Нагельсманн, чунки муҳокама қилинган барча номзодлар туфайли, менимча, у энг мос келади. Юлиан клубни билади ва унинг жамоалари кўпинча жуда жозибали футбол ўйнашади. Ўтган мавсумда "Бавария" барча турнирларда ғалаба қозонишини даъво қилаётган бир пайтда уни ишдан бўшатишди", - дея Маттеус сўзларини келтирмоқда Sky Sport Germany.
Нагельсманн ҳақиқатан ҳам "Бавария"нинг янги бош мураббийи лавозимига номзодлардан биридир. Юлиан аллақачон бир ярим мавсум мюнхенликлар бошчилигида ишлаган ва жамоа билан Германия чемпионлигини қўлга киритган.
