Мадриднинг "Реал" клуби яқинлашиб келаётган мавсум оралиғида ҳимоя чизиғини кучайтириш ниятида.
"Қироллик клуби" тез орада ҳужумчи Килиан Мбаппе билан шартномани ёпиши кутилмоқда, шу боис ёзда бор эътиборини бошқа трансфер муаммоларини ҳал қилишга қаратиши мумкин. Инсайдер Фабрицио Романонинг фикрича, бугунги кунда "Реал"нинг бозордаги асосий мақсадлари "Бавария"нинг чап қанот ҳимоячиси Альфонсо Дэвис ва "Лилль" марказий ҳимоячиси Лени Йородир. Ҳозирча ҳар икки футболчи бўйича келишувга эришилгани йўқ, аммо Ла Лига грандлари бу йўналишда ишламоқда.
Transfermarkt портали экспертлари 23 ёшли Дэвиснинг нархини 60 миллион еврога, 18 ёшли Йоро эса 40 миллионга баҳоламоқда.
