"Ювентус" бош мураббийи Массимилиано Аллегри агар Турин клуби жорий мавсум якунида Чемпионлар лигасига йўлланма олмаса, ўз лавозимидан четлатилади.

Манбага кўра, агар “Ювентус” кейинги Чемпионлар лигасига йўлланма олмаса, катта даромаддан маҳрум бўлади. Бироқ Турин клуби раҳбарияти италиялик мутахассиснинг ишидан қониқиш ҳосил қилмоқда ва бундай сценарий ривожланишини истамаяпти.

Италия чемпионатининг 30-туридан сўнг “Ювентус” 59 очко жамғариб, айни вақтда иккинчи ўринни эгаллаб турган “Милан”дан 6 очко ортда қолган ҳолда учинчи ўринда бормоқда. “Болоня” 57 очко билан тўртинчи ўринда бормоқда.