«Барселона» ҳужумчиси Леонэль Месси кеча бўлиб ўтган «Милан» билан ўйин ҳақида фикр билдирди.

«Бизга айнан шу керак эди. Нафақат кейинги босқичга чиқишимиз учун, балки Миландаги натижани парчалаб ташлашимиз учун.

Мухлисларимиз бизнинг муаммоларимизни қай тарзда ҳал эта олишимизни, биз футболчилар эса энг муҳими ўз ўйин услубимизга тушиб олиш эканини англадик.

Бешинчи дақиқаданоқ жуда муҳим голни урдик ва ўйин охирига қадар рақибга дам олиш учун имкон бермадик. Биз натижа учун эмас, мухлислар учун тезроқ гол уришни хоҳлаган эдик. Тўп менга келиб тушган вақтда мамнуният билан уни дарвозага йўлладим.

Бу ўйин услубини узоқ йиллардан буён шакллантириб келамиз. Тўғри, биз охирги вақтларда яхши ўйин кўрсата олмаяпмиз, лекин кечаги ўйин олдидан шунчаки ўз ўйинимзини кўрсатишга келишиб олдик. Бу анча вақтдан буён биз ва мухлислар кутаётган «Барселона»нинг ўйини бўлди.

Киритган голларим мени чемпионлар лигаси тўпурарлари рўйхатида иккинчи ўринга олиб чиқиши худди мўжизага ўхшайди. Бу яхши натижадир, лекин энг муҳими «Барселона»нинг кейинги босқичга чиқиши бўлди. Бугун биз айнан шу учун ҳаракат қилган эдик»,- дейди Месси.