"Ливерпуль" бош мураббийи Юрген Клопп "Арсенал" ва "Манчестер Сити" учрашувларини кузатиб борадими, деган саволга жавоб берди.

Эслатиб ўтамиз, бугун, 3 апрель куни ҳар икки жамоа лиганинг 31-тури доирасидаги ўйинларини ўтказади. “Сити” “Астон Вилла” билан ўйнайди, “канонирлар” эса “Лутон Таун”ни қабул қилади.

"Уларнинг бугун ўйинлари борлигини ҳам билмасдим. Бу менинг мавзуим эмас. Улардан доимо ғалаба қозонишларини кутаман.

Мен улардан доимо ғалаба қозонишларини кутаман. Лекин ундай бўлмаслиги ҳам мумкин.

Биз очко олишимиз керак, футбол учрашувларимизда ғалаба қозонишимиз керак. Қолганлари, ростини айтсам, мени қизиқтирмайди.

Улар ўйнашганда, менинг юрак уришим кучаймайди", - дея Клоппнинг сўзларини келтирмоқда BBC.