"Барселона"да Хави ўз лавозимида қолади деган ишонч пайдо бўлмоқда.
Relevo хабарига кўра, айрим футболчилар аввалроқ мавсум якунида клубдаги фаолиятини якунлашини эълон қилган 44 ёшли мутахассис фикрини ўзгартиришига ишонишмоқда.
Футболчилар кўришяптики, сўнгги пайтларда бош мураббийнинг кайфияти ўзгарган. У аввалгидек босимни сезмаяпти. Буни жамоанинг майдондаги муваффақияти ҳам қўллаб-қувватлаяпти – “блауграна” январь охиридан бери мағлубиятга учрамаяпти.
"Барселона" раҳбарияти ҳам Хавини кўндиришга умид қилмоқда.
Аввалроқ каталонияликлар амалдаги мураббийга ўринбосар топишда муаммоларга дуч келгани хабар қилинганди.
