"Ювентус" чап қанот ҳимоячиси Андреа Камбьясо "Атлетико"нинг радарида. Todofichajes хабарига кўра, Мадрид клуби ёзги трансфер ойнасида бу футболчи учун туринликлар жамоасига 40-50 миллион евро таклиф қилиш имкониятини кўриб чиқади.
Қайд этилишича, 24 ёшли Камбьязонинг ўйинини Мадриднинг “Атлетико” клуби бош мураббийи Диего Симеоне ёқтириб қолган. Футболчини "Реал" ҳам кузатиб бормоқда.
2023/2024 йилги мавсумда Андреа Камбьясо "Ювентус" таркибида 30 та расмий ўйинда майдонга тушди. Уларда футболчи учта гол урди ва шериклари учун бешта голли узатмани амалга оширди.
