Бир пайтлар “Наполи” ва “Ювентус” каби клубларда тўп тепган италиялик собиқ футболчи Массимо Мауро "Милан"даги мураббийлик ҳолати ҳақида гапирди.
Унинг фикрича, клуб 2019 йилнинг кузидан бери жамоани бошқариб келаётган Стефано Пиоли билан шартномани узайтириши керак.
"Пиоли ҳақидаги бу гап-сўзларнинг барчасини, агар менинг ваколатимга кирса, тўхтатган бўлардим.
Италия чемпионатида турли хорижлик мураббийларни кўрдик, аммо улар муваффақиятга эриша олишмади.
“Милан” ҳам чет эллик мураббийни олиб келишни хоҳларди, кейин Пиолини олишди – менимча, бу жуда омадли юриш бўлди.
Уни жамоада қолдириш керак, у ақл бовар қилмас инсон ва "Милан"ни ғалабага қайтарган мутахассис", - дея Мауронинг сўзларини келтиради pianetamilan.
