"Насаф" жамоаси навбатдаги 3-турда ён қўшнилар Бухоро шаҳрининг "Бухоро" жамоасини ўз майдонида қабул қилади. Иккала жамоа ўртасидаги учрашувлар доимо муросасиз ва қизиқарли кечган. Навбатдаги учрашув ҳам шундай бўлиши кутилмоқда.

“Насаф“ ва “Бухоро“ шу кунга қадар ўзаро 30 маротаба куч синашишган. Натижалар бўйича кичик устунлик “Насаф” томонида. Қаршиликлар бўлиб ўтган 30 баҳснинг 13 та ўйинида ғалаба қозонган. Саккиз учрашувда томонлар муроса кўчасини танлашган ва 9 та ўйинда “Бухоро”нинг қўли баланд келган. Тўплар нисбати ҳам “аждарлар” фойдасига 47-35. Ўзаро ўйинларда “Насаф” 47 очони қўлга киритган бўлса, “Бухоро” 35 очколик бўлган.

“Насаф”нинг “Бухоро” устидан қозонган энг йирик ғалабаси – 6:0. “Бухоро”нинг “Насаф” устидан қозонган энг йирик ғалабаси эса – 5:1 ни ташкил этади.

Ўтган йилги биринчи даврадаги Бухорода бўлган учрашувда “Бухоро” кичик ҳисобда ғалаба қилган:

"Бухоро" (Бухоро) - "Насаф" (Қарши) 1:0 (0:0)
Гол: Воҳид Шодиев 53, - 1:0.
"Бухоро": 35. Юрий Цой, 3.Бобиржон Омонов,5. Гиорги Квесиешвили, 7.Азизбек Муратов, 8.Жасур Ҳасанов, 9. Олександр Тарасенко, 14. Воҳид Шодиев,17. Отабек Нарзуллаев, 19.Шахзод Сулейманов, 21.Михаил Какаладзе,24. Асқар Муҳиддинов.
"Насаф": 42. Муроджон Зуҳуров, 3. Шавкат Райимқулов, (10.Кенжа Тўраев ) 4.Мақсуд Каримов, 5. Ботир Қораев, 17. Артур Геворкян, 18.Фозил Мусаев, 19.Иван Бошкович, 20. Эркин Бойдуллаев, 27. Илҳом Юнусов, 33. Шуҳратбек Мирҳолдиршоев,(10.Илҳом Шомуродов ) 34. Боян Малишич.
Бош ҳакам: Рустам Бобомуродов (Навои).
Ён қанот ҳакамлари: Холмат Мирзааҳмедов (Тош.вил.), Андрей Снетков (Тош.вил.),
Захира ҳаками: С.Ивлев (Навои).
Назоратчи: Ғайрат Каримов (Тошкент).
Огоҳлантириш: Ж.Ҳасанов 60.

Ўтган йилги иккинчи даврадаги учрашувда эса "аждарлар" "Бухоро"ни йирик ҳисобда мағлуб этган.

8.08.2012 й. Олий лига-2012, 15-тур
"Насаф" (Қарши) - "Бухоро" (Бухоро) - 3:0
Голлар: А.Геворкян -10, 1:0, В.Шишелов-67,2:0, А.Геворкян-78,3:0,
"Насаф": 42.Зуҳуров Муротжон, 3.Раимқулов Шавкат, 4.Каримов Мақсуд, 5.Қораев Ботир, 8.Переплёткинс Андрейс (М.Камолов), 19.Бошкович Иван, 16.Юсупов Алишер (Ж.Жиямуродов), 17.Геворкян Артур (С.Неъматов), 18.Мусаев Фозил, 27.Юнусов Илҳом, 55.Шишелов Владимир.
"Бухоро": Пилипенко Анатолий, Шибумура Наоя, Омонов Бобур (А.Муротов), Ония Дэвид, Квесиешвили Георгий, Ҳасанов Жасур, Сулаймонов Шаҳзод, Нарзуллаев Отабек (И.Хайров), Николаев Алексей (А.Саноев), Ваҳобов Баҳриддин, Муҳиддинов Асқар.
Бош ҳакам: Бахтиёр Намозов (Тошкент),
Ён қанот ҳакамлари: Олим Абдувосилов (Тошкент), Андрей Цапенко (Тошкент вилояти),
Захира ҳаками: Дилшод Каримов (Тошкент).
Назоратчи: Рашид Айтеков (Тошкент).
Огоҳлантиришлар: Ш.Сулайманов-24, Б.Ваҳобов-58,

Навбатдаги учрашув 16 март, шанба куни,  “Насаф” Марказий стадионида бўлади. Ўйин бошланиш вақти 17:00 да.
«Насаф» (Қарши) – «Бухоро» (Бухоро)
Ҳакамлар: В.Коваленко (Тошкент), Р.Ильясов (Тошкент), М.Саидқосимов (Тошкент), Заҳира ҳаками А. Чориев (Термиз).
Назоратчи: И. Мустафин (Тошкент).

15 март куни ушбу жамоаларнинг ўринбосарлари ҳам ўзаро куч синашишади. Ўринбосарлар ўртасидаги учрашувлар одатда эски “Меҳнат” (ҳозирги “Насаф”) стадионида бўлиб ўтарди. Қарши шаҳрида 1-2 кун бўлган ёғингарчиликлар туфайли ушбу стадионда учрашув вақтинча ўтказилмайдиган бўлди. Шунинг учун ёшлар ўртасидаги баҳс “Насаф” футбол академиясининг сунъий майдонига кўчирилди. Ўйин 16:00да бошланади.