Испаниянинг энг оригинал клубларидан бири бўлган "Атлетик Бильбао" жамоаси расмий портали орқали ўз мухлисларига мурожаат қилиб, Испания мадҳиясини куйламасликни сўради. Бу мурожаат Баск клуби йўл олган Қирол кубогининг яқинлашиб келаётган финали билан боғлиқ. У 6-апрел, шанба куни бўлиб ўтади.
“Клуб сиздан ҳурматсизлик сифатида талқин қилиниши мумкин бўлган ҳаракатлардан, жумладан, мадҳия янграётганда тийилишингизни сўрайди. Ҳурмат - клубимизнинг асосий тамойилларидан бири”, - дейилади жамоа сайтида.
Эслатиб ўтамиз, сенсацион тарзда финалга қадар етиб борган "Атлетик" асосий ўйинда "Мальорка"га қарши майдонга тушади.
