Ispaniyaning eng original klublaridan biri bo‘lgan "Atletik Bilbao" jamoasi rasmiy portali orqali o‘z muxlislariga murojaat qilib, Ispaniya madhiyasini kuylamaslikni so‘radi. Bu murojaat Bask klubi yo‘l olgan Qirol kubogining yaqinlashib kelayotgan finali bilan bog‘liq. U 6-aprel, shanba kuni bo‘lib o‘tadi.
“Klub sizdan hurmatsizlik sifatida talqin qilinishi mumkin bo‘lgan harakatlardan, jumladan, madhiya yangrayotganda tiyilishingizni so‘raydi. Hurmat - klubimizning asosiy tamoyillaridan biri”, - deyiladi jamoa saytida.
Eslatib o‘tamiz, sensasion tarzda finalga qadar yetib borgan "Atletik" asosiy o‘yinda "Malyorka"ga qarshi maydonga tushadi.
