"Ливерпуль" ва "Тоттенхэм" "Лидс" вингери Крисенсио Саммервиллга қизиқиш билдираётган клублар қаторида.
Саммервиллга шов-шувли мавсумни ўтказмоқда, чемпионатнинг 37 ўйинида 17 та гол урди ва 8 та голли узатмани амалга оширди.
Саммервиллнинг ажойиб ўйинлари "Лидс"ни чемпионатда иккинчи ўринда ушлаб турибди, аммо бу мавсум "товуслар" учун қандай якунланишидан қатъи назар, 22 ёшли нидерландиялик футболчининг юқори лавозимга кўтарилиш учун барча имкониятлари бор.
HITC нашри маълумотларига кўра, Саммервиллга Премьер-лига ва Европанинг саккизта клуби қизиқиш билдирган. Булар "Арсенал", "Челси", "Ливерпуль", "Тоттенхэм" ва "Вест Хэм", шунингдек, "Атлетико", "Байер" ва "Порту".
"Лидс" ҳеч қандай тарзда Саммервиллни сотишдан воз кечмади ва ҳатто Премьер-лигага кирса, Крисенсио билан янги шартнома имзоламоқчи.
