"Челси" бош мураббийи Маурисио Почеттино "Шеффилд Юнайтед"га қарши ўйинда (2:2) нима учун жамоа етакчиси Коул Палмерни алмаштирганини тушунтирди.

“Менимча, у чарчаган. Мен унинг чарчаганини ҳис қилдим. Ҳисоб 2:1 кўринишида бизнинг фойдамизга эди. Палмерга ғамхўрлик қилишимиз керак эди – у “Манчестер Юнайтед”га қарши сўнгги ўйинда катта куч сарфлади, шунинг учун у одатдагидан бироз кўпроқ чарчоқ ҳис қилди”, — дея Почеттинонинг сўзларини келтиради Football London.

Эслатиб ўтамиз, яқинда “Манчестер Юнайтед”га қарши ўйинда (4:3) Коул Палмер қўшиб берилган вақт охирида иккита гол уриб, хет-трик қайд этган эди.