“Манчестер Сити” ёзда муҳим футболчиларидан бирини йўқотиши мумкин, чунки шартнома бўйича музокаралар боши берк кўчага кириб қолган.

Март ойи бошида асосий дарвозабон Эдерсон жароҳат олганидан сўнг, Стефан Ортега сўнгги ҳафталарда жамоанинг асосий ўйинчиси бўлди.

Бироқ немис дарвозабони билан янги шартнома бўйича музокаралар тўхтаб қолгани ва 31 ёшли футболчи ёзда жамоадан кетиши мумкинлиги хабар қилинмоқда.

Ортега 2022 йилнинг ёзида “Армения Билефелд”дан “Манчестер Сити”га ўтган ва икки мавсум давомида клуб учун 28 та ўйинда майдонга тушган.

Ортеганинг амалдаги шартномаси 2025 йилнинг ёзида тугайди ва Bild нашри янги шартнома борасида ҳеч қандай ўзгаришлар бўлмаганини таъкидламоқда.

Daily Mail хабарига кўра, дарвозабон яқинда Гамбургдан уй сотиб олган, аммо бу уйни яшаш ниятида олмаган бўлиши ҳам мумкин.

FourFourTwo нашри фикрига кўра, “Сити”нинг Ортегани сақлаб қолиши клуби учун фойдали бўлади. Немис дарвозабони клубдаги вақтида Эдерсонга ишончли захира бўлиб келган ва якунда янги шартнома бўйича келишувга эришилади.

“Сити” ўтган мавсумда “требл”ни қўлга киритди ва ҳозирда ўша тарихий ғалабани такрорлаш учун курашмоқда.

Амалдаги чемпионлар шанба куни “Кристал Пэлас”ни 4:2 ҳисобида мағлуб этди.