Лиссабоннинг “Спортинг” клуби бош мураббийи Рубен Аморим “Ливерпул”да Юрген Клоппнинг ўрнини эгаллайди. Ижтимоий тармоқларда инсайдер Флориан Плеттенберг хабарига кўра, инглиз клуби мураббий билан шартнома борасида келишиб олган.
Томонлар уч йиллик меҳнат шартномасини имзолайдилар. Энди мерсисайдликлар "Спортинг" билан келишувга эришиши керак. Аморим ва Португалия топ-клуби ўртасидаги амалдаги шартнома 2026 йилгача мўлжалланган. "Қизиллар" менежер билан шартнома имзолаш учун товон пули тўлаши керак.
Клопп “Ливерпул”ни 2015 йилдан буён бошқариб келмоқда. Немис мураббийи жорий мавсум якунида жамоани тарк этади.
