Мюнхеннинг “Бавария” клуби ҳужумкор ярим ҳимоячиси Лерой Сане Лондоннинг “Арсенал” клубига қарши Чемпионлар лигаси 1/4 финал биринчи ўйинидаги дуранг ҳақида фикр билдирди. Учрашув 2:2 ҳисобида якунланди.
“Бу биз учун қийин бўлди, лекин шундай бўлишини билардик. Тезда ўзимизни тиклаб олганимиз яхши бўлди. Умуман олганда, биз ўйинимиздан мамнунмиз. Олдинда қийин жавоб учрашуви турибди, ҳали ҳеч нарса ҳал қилингани йўқ. Ҳамма нарса яна нолдан бошланади", - дея футболчининг сўзларини келтиради УЕФА матбуот хизмати.
Эслатиб ўтамиз, жавоб ўйини Мюнхендаги стадионда 17 апрель куни бўлиб ўтади.
