Лондоннинг "Челси" клуби ёзги трансфер ойнасида 11 футболчи билан хайрлашиши мумкин. Football London хабарига кўра, сотувга қўйилган ўйинчилар орасида ярим ҳимоячи Конор Галлагер ва мавсумнинг иккинчи ярмида ижара асосида "Фулхэм"га ўтган ҳужумчи Армандо Броя ҳам бор.
Эътибор беринг, "Челси" янги трансферларни молиялаш учун пул ишлаб олиш мақсадида бир нечта футболчиларини сотишга мажбур. Лондонликлар, шунингдек, иш ҳақи фондидаги юкни енгиллаштиришни хоҳлашади.
Аввалроқ “Челси” йилига 19 миллион евро маош оладиган ва жамоанинг энг кўп маош олувчи футболчиси бўлган ҳужумчи Раҳим Стерлингни ҳам сотиш ниятида экани хабар қилинганди.
