«МЮ» ҳужумчиси Уейн Руни «Рединг»га қарши ўйиндан кейин жамоасининг турнир жадвалидаги ўрни ҳақида фикр билдирди.
«Охиригача профессионал бўлиш керак. Биз яқин таъқибчимиздан 15 очко олдиндамиз ва яна тўққизта учрашув қолди. Турнир жадвалидаги ҳолатимиз жуда яхши.
Биз ўз ишимизни қилишда давом этишимиз ва ҳар бир ўйинга масъулият билан ёндашишимиз керак. Бунга жамоанинг турнир жадвалидаги ўрни таъсир кўрсатмаслиги керак.
«Рединг» билан ўйинда энг муҳими уч очко эканини билардик, айниқса «Манчестер Сити» мағлубиятга учраганини билгандан кейин. Лекин ўйин биз учун осон кечди деб бўлмайди.
Гол уриш ҳар доим ҳам ёқимли. Ўша вазиятда рикошет бўлди ёки йўқ? Нима бўлганда ҳам бу гол эди ва қувонарлиси ғалаба голи бўлди. «Манчестер Сити»нинг уч очко йўқотгани жуда яхши бўлди, бироқ биз уларга ғалаб билан жавоб қайтаришимиз керак бўларди», дея гапириб ўтди Руни.