"Барселона" бош мураббийи Хавининг айтишича, унинг жамоаси келаси шанба куни, Ла Лиганинг 31-тури "Кадис" билан бўлиб ўтадиган ўйин ҳақида ўйлайди.

"Бу дам олиш кунлари биз Чемпионлар лигаси ҳақидаги фикрларимизни четга суриб, Ла Лига ҳақида ўйлашимиз керак", - дея Хавининг сўзларини келтиради "Барселона" матбуот хизмати.

Чемпионлар лигасининг 2023/2024 йилги мавсуми 1/4 финал босқичида "Барселона" "ПСЖ" билан ўйнаяпти. Жамоалар ўртасидаги биринчи ўйин 3:2 ҳисобида Хави шогирдларининг ғалабаси билан якунланган эди. Жавоб ўйини 16 апрель, сешанба куни бўлиб ўтади.