Жозе Моуриньо "Вест Хэм"да Девид Мойеснинг ўрнини эгаллаши мумкин. "Болғачилар" бошқарувидаги шотландиялик мутахассиснинг келажаги ноаниқлигича қолмоқда, амалдаги шартнома мавсум охирида тугайди.
Хабарга кўра, "Вест Хэм" раҳбарияти Мойес ўрнига Моуриньони таклиф қилиш имкониятини кўриб чиқмоқда. Эслатиб ўтамиз, португалиялик шу йилнинг январ ойида “Рома”дан ҳайдалган эди. Девид Мойес 2019 йилнинг декабридан буён "Вест Хэм"да.
Айни дамда лондонликлар АПЛ турнир жадвалида саккизинчи ўринни эгаллаб туришибди. Жозе Моуриньо аввалроқ Англиянинг “Челси”, “Манчестер Юнайтед” ва “Тоттенхэм” клубларини бошқарган.
