Каталониянинг “Барселона” клуби мураббийлар штаби “ПСЖ”га қарши Чемпионлар лигаси 1/4 финал жавоб ўйинида ярим ҳимоя чизиғи қандай бўлишини ҳал қилди. Эслатиб ўтамиз, Париждаги биринчи ўйинда “кўк-анорранглилар” 3:2 ҳисобида ғалаба қозонган эди.
Инсайдер Жорди Хилнинг сўзларига кўра, "Барселона" ярим ҳимоясида Илкай Гюндоган, Френки де Йонг ва Педри каби футболчилар жой олишади. Манбага кўра, Френкига майдонда тўлиқ эркинлик берилиши кутилмоқда.
Эслатиб ўтамиз, "Парк де Пренс"даги биринчи ўйинда Педри захирадан майдонга тушиб, Рафиньяга голли узатма берган эди. Эртага "Барселона" 2019 йилдан бери илк марта Чемпионлар лигасининг ярим финалига чиқиши мумкин.
