"Астон Вилла" АПЛ 33-турида "Арсенал"ни сафарда мағлуб этиб (2:0), турнир жадвалида катта ўзгаришларга сабабчи бўлди. Бирмингемликларнинг ўйиндаги иккинчи голига ҳужумчи Олли Уоткинс муаллифлик қилди.

28 ёшли инглиз бу мавсумда Премьер-лигада жуда яхши сермаҳсуллик кўрсатмоқда. У АПЛда 32 та ўйинда ўз ҳисобига 19 та гол ва 10 та ассист ёздириб қўйган. Барча мусобақаларни инобатга олганда унинг ҳисобида 45 та ўйинда 26та гол ва 10 та ассистентликни кўришимиз мумкин.

Уоткинснинг "Вилла" билан шартномаси 2028 йилнинг ёзигача мўлжалланган. Transfermarkt уни 65 миллион еврога баҳолаган.