"Aston Villa" APL 33-turida "Arsenal"ni safarda mag‘lub etib (2:0), turnir jadvalida katta o‘zgarishlarga sababchi bo‘ldi. Birmingemliklarning o‘yindagi ikkinchi goliga hujumchi Olli Uotkins mualliflik qildi.
28 yoshli ingliz bu mavsumda Premyer-ligada juda yaxshi sermahsullik ko‘rsatmoqda. U APLda 32 ta o‘yinda o‘z hisobiga 19 ta gol va 10 ta assist yozdirib qo‘ygan. Barcha musobaqalarni inobatga olganda uning hisobida 45 ta o‘yinda 26ta gol va 10 ta assistentlikni ko‘rishimiz mumkin.
Uotkinsning "Villa" bilan shartnomasi 2028 yilning yozigacha mo‘ljallangan. Transfermarkt uni 65 million yevroga baholagan.
