"Арсенал" бош мураббийи Микель Артета жамоасининг Англия Премьер-лигаси чемпионлигини қўлга киритиш имкониятлари ҳақида гапирди. "Канонирлар" кеча "Эмирейтс"да "Астон Вилла"га 0:2 ҳисобида мағлуб бўлди ва турнир жадвалида пешқадамликни бой берди.
“Агар битта натижа бизни бузса, бу бизнинг етарлича кучли эмаслигимизни англатади. Агар сиз совринларни қўлга киритишни истасангиз, бундай дақиқаларда тезда оёққа туришингиз керак”, деди Артета матбуот анжуманида.
"Арсенал" эндиликда биринчи ўриндан икки очко ортда қолмоқда. Жорий Англия чемпионати якунланишига 6 тур қолди.
