«Вест Хэм» футболчиси Жорж Ирти Англия чемпионатининг 33-турида «Фулхэм»га қарши ўйиндан сўнг бошидан жароҳат олиб, шифохонага жўнатилди.

Бу ҳақда "болғачилар" бош мураббийи Дэвид Мойес маълум қилди.

Эслатиб ўтамиз, ўйин “Фулхэм”нинг 2:0 ҳисобидаги ғалабаси билан якунланган эди. Ирти ўйин охирида майдонга чиқди ва тўп учун курашаётган чоғида “Фулхэм” футболчиси билан тўқнашиб кетди, шундан сўнг футболчини замбилда майдондан олиб чиқиб кетишди.

"У бошидан жароҳат олган, ҳушида эди ва кўрикдан ўтиш учун шифохонага юборилган. У учун жуда афсусдаман.

Жорж яхши машқ қилди. Умид қиламанки, у билан ҳаммаси яхши бўлади", - деди Мойес журналистлар билан суҳбатда.