«Vest Xem» futbolchisi Jorj Irti Angliya chempionatining 33-turida «Fulxem»ga qarshi o‘yindan so‘ng boshidan jarohat olib, shifoxonaga jo‘natildi.
Bu haqda "bolg‘achilar" bosh murabbiyi Devid Moyes ma’lum qildi.
Eslatib o‘tamiz, o‘yin “Fulxem”ning 2:0 hisobidagi g‘alabasi bilan yakunlangan edi. Irti o‘yin oxirida maydonga chiqdi va to‘p uchun kurashayotgan chog‘ida “Fulxem” futbolchisi bilan to‘qnashib ketdi, shundan so‘ng futbolchini zambilda maydondan olib chiqib ketishdi.
"U boshidan jarohat olgan, hushida edi va ko‘rikdan o‘tish uchun shifoxonaga yuborilgan. U uchun juda afsusdaman.
Jorj yaxshi mashq qildi. Umid qilamanki, u bilan hammasi yaxshi bo‘ladi", - dedi Moyes jurnalistlar bilan suhbatda.
