"Интер" хўжайини янги кредит эвазига қарзларини тўламоқчи.
La Gazzetta dello Sport нашри хабарига кўра, Стивен Чжан Буюк Британия фонди билан йилига тахминан 12 фоиз ставкада 3 йил муддатга 400 миллион евро кредит бериш бўйича музокаралар олиб бормоқда. "Интер" эгаси олинган маблағни 2021 йилда Америка Oaktree фондидан клуб акциялари гарови остида олинган кредитни тўлаш учун ишлатишни режалаштирмоқда - 375 миллион евро май ойи охиригача тўланиши керак.
Шунингдек, Чжан Oaktree билан келишувни узайтириш бўйича музокаралар олиб бораётгани, бироқ жамғарма қисқа муддатли шартнома тузиш ва фоиз ставкаларини оширишни талаб қилгани хабар қилинган.
Янги инвестор билан келишув 20 майгача якунланиши режалаштирилган. Янги уч йиллик шартнома “Интер” президентига янги ҳамкорлар топиш ва клубнинг молиявий аҳволини яхшилаш учун вақт бериши кутилмоқда.
