"Реал Сосьедад"нинг ҳужумкор ярим ҳимоячиси Такефуса Кубо Англия чемпионатида топ-клубда ишлаш имкониятига эга. 22 ёшли япониялик футболчига “Ливерпуль” ҳамон қизиқиш билдирмоқда.
Кубо ёзги трансфер ойнасида мерсисайдликларни кучайтириш учун устувор вариантлардан бири ҳисобланади. “Қизиллар” футболчи учун 60 миллион евро таклиф қилишган.
Такефуса "Реал Сосьедад" билан 2029 йилнинг ёзига қадар шартномага эга. Испания чемпионатининг жорий мавсумида вингер 24 та ўйин ўтказиб, 7 та гол ва 3 та голли узатмани амалга оширди.
