"Бавария" ҳужумчиси Харри Кейн жамоасининг Чемпионлар лигаси ярим финалидаги рақиби "Реал Мадрид" ҳақидаги саволга жавоб берди. Томас Тухель шогирдлари Лондоннинг “Арсенал” жамоасини мағлуб этиб, 2020 йилдан бери илк бор турнирнинг ярим финалига чиқди.
Финал йўлланмаси учун "Бавария" пенальтилар сериясидаги муваффақият эвазига "Манчестер Сити"ни мағлуб этган "Реал" билан рақобатлашиши керак.
“Албатта, “Реал” Чемпионлар лигасида ажойиб тарихга эга бўлган катта клуб. Кечқурун роҳатланамиз ва кейин албатта тайёргарликни бошлаймиз”, деди Кейн TNT Sports. телеканалига.
"Бавария" ва "Реал" ўртасидаги илк ўйин 30 апрель куни Мюнхенда бўлиб ўтади. Жавоб ўйини 8 майга белгиланган.
