Европа Лигаси Юрген Клопп бошқарувидаги “Ливерпуль” забт этмаган ягона турнирдир.
“Қизиллар” 2015 йилда клубни қабул қилиб олган германиялик мутахассис қўл остида икки маротаба турнирда иштирок этишган.
2015/2016 йилги мавсумда жамоа мусобақа финалига чиқди ва "Севилья"га ютқазди - 1:3.
Бугун мерсисайдликлар чорак финалда “Аталанта”га умумий ҳисобда ютқазиб (1:3) мусобақадан чиқиб кетишди.
Эслатиб ўтамиз, Юрген Клопп жорий мавсум якунида “Ливерпуль”ни тарк этади.
Клопп "Ливерпуль" билан 8 та соврин - Премьер-лига, Чемпионлар лигаси, Англия кубоги, иккита Англия лигаси кубоги, Англия Суперкубоги, УЕФА Суперкубоги ва клублар ўртасидаги жаҳон чемпионатида ғолиб чиқди.
