"Бавария" ёзда Жамол Мусиалани қўйиб юбормайди.
Аввалроқ, "Манчестер Сити" 21 ёшли ярим ҳимоячини мавсум оралиғида ўз сафига қўшиб олмоқчи эканлиги маълум бўлганди.
Бироқ, "Бавария" футболчини ёзда сотмайди, деб хабар беради Sky Sports журналисти Флориан Плеттенберг. Клуб спорт директори Макс Эберль таклифларни кўриб чиқмайди.
Мюнхенликлар футболчи билан шартномани 2026 йилгача узайтирмоқчи. Жамолнинг қарорига клубнинг келажакда қандай тузилиши ва янги бош мураббий ким бўлиши таъсир қилади.
Бундеслиганинг жорий мавсумида Мусиала 24 ўйин ўтказиб, 10 гол ва 6 голга ассистентлик қилган.













