Мюнхеннинг “Бавария” клуби бош мураббийи Томас Тухель нега жамоаси ҳужумчиси Томас Мюллер “Арсенал” билан Европа Чемпионлар лигаси 1/4 финали доирасидаги иккита ўйинда майдонда бир дақиқа ҳам ўтказмаганига изоҳ берди.
“Томас ва мен яхши муносабатдамиз. Умид қиламанки, бу ўзгармайди. Унинг ўйнамагани унга ёқмайди, менга ҳам ёқмайди. Мен унга бу ҳақда ҳеч нарса айтишим шарт эмас эди. Мюллер қаттиқ машқ қилмоқда ва ўйиндан завқланишда давом этмоқда", - деди Тухель.
Чемпионлар лигаси 1/4 финалининг жавоб учрашувида “Бавария” “Арсенал”ни 1:0 ҳисобида мағлуб этиб, турнирнинг ярим финалига йўл олди.
