"Манчестер Юнайтед" бош мураббийи Эрик тен Хаг Дортмунднинг "Боруссия" клубида ижара асосида ўйнаётган вингер Жейдон Санчо ҳақидаги саволга жавоб берди.
“Албатта, мен халқаро футболни ва ижара асосида ўйнаётган футболчиларимизни кузатиб бораман. "Боруссия" ва "Атлетико" ўртасидаги ўйин ажойиб ўтди. Дортмундликлар ажойиб ўйин кўрсатди ва Санчо натижага ҳисса қўшди.
Санчонинг клубимиздаги келажаги борасида бирор нарса ўзгарганми? Йўқ. Лекин биламизки, Жейдон фантастик футболчи, бу биз учун кутилмаган ҳолат эмас. Муаммо бу эмас", деди Тен Хаг матбуот анжуманида.
