Лиссабоннинг “Спортинг” клуби бош мураббийи Рубен Аморим “Ливерпуль”ни янги мавсумдан бошлаб бошқариши кутилмоқда.
Португалиялик мутахассис тез орада Юрген Клопп кетганидан кейин бўшаб қоладиган "қизиллар" бошқарувидаги лавозимга асосий номзод саналади. Correiro de Manha хабарига кўра, агар Аморим тайинланса, "Ливерпуль" "Спортинг" ҳужумчиси Виктор Дьёкерешни ўз сафига қўшиб олмоқчи. Швециялик футболчи 39 ёшли мураббий қўл остида ажойиб ўйин кўрсатмоқда: ҳужумчи жорий мавсумда лиссабонликлар сафида 44 та ўйинда майдонга тушиб, 36 та гол урди ва 16 та голга ассистентлик қилди.
Transfermarkt портали Дьёкерешнинг нархини 55 миллион еврога баҳоламоқда, аммо “Спортинг” 25 ёшли футболчини сотишдан камида 100 миллион евро ишлаб олмоқчи.
