ФИФА президенти сиёсатчиларни агентларга қилинадиган тўловларга қарши курашга қўшилишга чақирди.
"Ўтган ҳафтада Премьер-лига клублари 2023-йил 1-февралдан 2024-йил 1-февралгача воситачилар ва агентлар учун деярли 500 миллион евро сарфлагани маълум бўлди.
Бу пулнинг катта қисми футболга тегишли эмас. Худди шу даврда инглиз клублари ўйинчиларни тарбиялаган ва ривожлантирган хориж клубларига 30 миллион евродан кам пул тўлаган.
Компенсация ва бирдамлик тўловлари ФИФА қоидаларида кўзда тутилган. Улар етарлича пул топиш учун курашаётган минглаб бой бўлмаган клублар учун жуда муҳимдир.
Бу клублар бутун дунё бўйлаб ёш футболчиларнинг ривожланиши, тайёргарлиги ва имкониятлари учун жуда қаттиқ курашади.
ФИФАда биз барча даражадаги шаффофлик, ҳисобдорлик ва маблағларни яхшироқ қайта тақсимлаш мақсадида трансфер тизимига аниқ ва адолатли қоидаларни, жумладан агентлар учун қоидаларни жорий этишга ҳаракат қилмоқдамиз. Шу сабабли баъзи агентлар бизни судга беришди, аммо ФИФА судда ўз позициясини ҳимоя қилишда давом этади.
Мен ҳукуматлар ва қонунчиларни бизга қўшилишга ва трансфер маблағлари футбол ичида қолиши ва бутун дунё бўйлаб клубларга тақсимланишини таъминлашда фаол рол ўйнашга чақираман, чунки улар ҳозирги ва келажак авлод футболчилари учун жуда муҳим", - деди Инфантино.
