Мюнхеннинг "Бавария" клуби ва Германия терма жамоасининг собиқ ўнг қанот ҳимоячиси Филипп Лам Жошуа Киммихни қандай позицияда кўришини айтди.
“Футболчи ҳар доим мураббий тайинлаган ролни қабул қилиши керак. 2014 йилги жаҳон чемпионатида марказда ўйнаганман, чунки бунинг учун зарур бўлган фазилатларни кўрсатганман. Менимча, Киммих табиий ярим ҳимоячи, у майдон ўртасида яхшироқ ишлайди.
Аммо у ўнг қанот ҳимоясида ҳам ўйнай олишини исботлади. Мураббий жамоага нима кераклигини кўради, шунинг учун балки Жошуани ўнг қанот ҳимоячиси позициясида қўллаш мантиқийдир", - деди Лам.
