Myunxenning "Bavariya" klubi va Germaniya terma jamoasining sobiq o‘ng qanot himoyachisi Filipp Lam Joshua Kimmixni qanday pozitsiyada ko‘rishini aytdi.

“Futbolchi har doim murabbiy tayinlagan rolni qabul qilishi kerak. 2014 yilgi jahon chempionatida markazda o‘ynaganman, chunki buning uchun zarur bo‘lgan fazilatlarni ko‘rsatganman. Menimcha, Kimmix tabiiy yarim himoyachi, u maydon o‘rtasida yaxshiroq ishlaydi.

Ammo u o‘ng qanot himoyasida ham o‘ynay olishini isbotladi. Murabbiy jamoaga nima kerakligini ko‘radi, shuning uchun balki Joshuani o‘ng qanot himoyachisi pozisiyasida qo‘llash mantiqiydir", - dedi Lam.