"Ливерпуль" 5 учрашувда ўйинда илк бор гол урди.
"Мерсисайдликлар" АПЛнинг 34-турида “Фулхэм”га (3:1, иккинчи бўлим) қарши баҳс олиб боришмоқда.
Райан Гравенберх 53-дақиқада гол уриб, “Ливерпул”ни олдинга олиб чиқди. "Мерсисайдликлар"нинг учрашувдаги илк голини Трент Александр-Арнольд жарима зарбасидан киритди.
Европа лигасида "Аталанта" билан жавоб учрашувида (1:0) ягона гол пенальтидан урилди - Муҳаммад Салоҳ пенальтини голга айлантирди. Бунгача мураббий Юрген Клопп шогирдлари “Кристал Пэлас” (0:1) ва “Аталанта” (0:3) жамоаларига қарши ўйинларда гол ура олмаганди.
"Манчестер Юнайтед"га қарши ўйинда (2:2) "Ливерпуль" иккинчи голни пенальтидан (Салоҳ урганди), биринчи голни бурчак тўпидан Луис Диас киритганди.
Шу тариқа, бугунги ўйинда "Ливерпуль" 4 апрелдан бери илк бор ўйиндан гол урди. Ўшанда Коди Гакпо "Шеффилд Юнайтед" билан ўйинда (3:1) гол урганди. Умумий ҳисобда “Ливерпуль” ўйинда тўхташ вақтини ҳисобга олган ҳолда 441 дақиқа давомида гол ура олмади.
