"Реал Мадрид" бош мураббийи Карло Анчелотти жамоанинг юлдуз ҳужумчиси Винисиус Жуниорнинг "эл-класико"даги ғазабланган вазиятига муносабатини тушунтириб берди.
"Унга алмаштириш ёқмади, у ўйнашни давом эттирмоқчи эканлигини айтди. Лекин футболчиларнинг, айниқса, ҳужумчиларнинг сарфлаган энергиялари, айниқса, охирги ўйинни ҳисобга оладиган бўлсак, жуда катта эди. Ҳужумчилардан ҳимояланишни ва жамоа учун ишлашни сўраймиз, шундан сўнг улар максимал тезликка эришадилар ва кўп куч сарфлайдилар. Мен тушунаман, Вини давом этмоқчи эди, аммо бизга янги куч керак эди", - дея Анчелотти сўзларини келтирмоқда Marca.
"Реал Мадрид" "Барселона"ни 3:2 ҳисобида мағлуб этди, Винисиус Жуниор ўйиннинг 82-дақиқасида алмаштирилди.
