Россия Федерациясининг Уфа шаҳрида бокс бўйича "IBA Чемпионлар оқшоми" ўтказилди.
Турнирда уч нафар чарм қўлқоп устамиз - Бобоусмон Батуров, Азизбек Абдуғофуров ва Улуғбек Собиров ҳам рингга чиқди. Афсуски, уларнинг бари рақибларига имкониятни бой бериб қўйди.
Суперўрта вазн тоифасида 10 раунд кечган жангда Азизбек Абдуғофуров россиялик Леон Антоньянга, ўрта вазнда 8 раундлик жангда Улуғбек Собиров яна бир мезбон боксчи Павел Сосулинга, ярим ўрта вазнда 6 раунд тўлиқ давом этган баҳсда Бобоусмон Батуров ринг эгаси Данис Габдрафиковга очколар ҳисобига кўра ютқазиб қўйди.
